රජයේ උපදෙස්වලට අනුව රාජ්‍ය හා පෞද්ගලික යන අංශ දෙකේම ආයතන ලබන 11 වනදා සිට විවෘත කර පවත්වාගෙන යා යුතු වනවා.
ඒ සඳහා අවශ්‍ය සැලසුම් දැන් සිටම සකස් කරන ලෙස ආයතන ප‍්‍රධානීන්ට දැනුම් දෙන බවයි ජනාධිපති මාධ්‍ය අධ්‍යක්ෂ ජනරාල් මොහාන් සමරනායක වැඩිදුරටත් පැවසුවේ.
ආයතන ලබන 11 වනදා සිට විවෘත කර පවත්වාගෙන යාමේදී සෞඛ්‍ය සේවා අධ්‍යක්ෂ ජනරාල්වරයා ප‍්‍රමුඛ සෞඛ්‍ය බලධාරීන් නියම කර ඇති මාර්ගෝපදේශ අනිවාර්යයෙන් පිළිපැදිය යුතු බවද මෙහිදී සිහිපත් කෙරුණා.
අදාල මාර්ගෝපදේශවලට අනුව පෞද්ගලික අංශයේ ආයතන විවෘත කළයුතු වේලාව වන්නේ උදෑසන 10.00යි. වෛරස ව්‍යාප්තිය පාලනය කිරීම සඳහා ජනතාව අනවශ්‍ය ලෙස මහාමාර්ගයට පැමිණීම සහ වෙනත් ස්ථානවල එක් රැස්වීම තවදුරටත් නතර කළ යුතු වනවා.
ඒ අනුව ශී‍්‍ර ලංකා ගමනාගමන මණ්ඩල බස්රථවල සහ දුම්රිය මැදිරිවල මගී ප‍්‍රවාහනය, රැකියා සදහා යන එන අයට පමණක් සීමා කෙරුණු ඇතියි.
කවරකු හෝ නිවසින් බැහැර යා යුත්තේ ආහාර හා ඖෂධ වැනි අත්‍යාවශ්‍ය භාණ්ඩ හා ද්‍රව්‍ය මිලට ගැනීමට පමණයි.
පොලිස් බලධාරීන් විසින් නිකුත් කර ඇති ඇඳිරි නීති බලපත් ද වලංගුවන්නේ රියැදුරු සහ රථයේ ගමන් කරන අය මුඛ ආවරණ පැළඳ සිටින්නේනම් පමණක් බවයි රජය පවසන්නේ.
මේ අතර අදත් රටපුරාම ඇඳිරි නිතිය පනවා තිබෙනවා.
No comments:
Post a Comment